Kơdră chĕp pơgơ̆r Kuô̆k hô̆i pơma hơdăh, jơ lêh đei pơgơ̆r lơ̆m năr tơbăt 77 sơnăm Năr Pơgơ̆r Pôk rơ̆ih blŭng a Kuô̆k hô̆i kơ teh đak Việt Nam Dân chủ cộng hòa jĭ tôch gĭt kăl. Lơ̆m rim hơyak trong bơ̆ jang iung jang păng atŏk tơ iung, Kuô̆k hô̆i Việt Nam hlôi iŏk đei lơ tơdrong tih tên, tơgop tơgăl lơ̆m tơdrong jang tơ iung pơjing, vei lăng teh đak Việt Nam xã hội chủ nghĩa. Lơ̆m tơdrong iŏk đei jơnei atŭm kơ Kuô̆k hô̆i đei tơdrong vang tơgop tĭh tên đơ̆ng rim jơhnơr kơdră tang măt Kuô̆k hô̆i, lơ̆m au đei 4 ‘nu kơdră đei Đảng, Teh đak pôk ăn Mê đai, tơmam hơpăh gĭt kăl hlŏh.

Kơdră chĕp pơgơ̆r Kuô̆k hô̆i Vương Đình Huệ pôk ăn Mê đai Hồ Chí Minh ăn Kơ iĕng Kơdră chĕp pơgơ̆r Kuô̆k hô̆i sơ̆ Huỳnh Ngọc Sơn, Kơ iĕng Kơdră chĕp pơgơ̆r Kuô̆k hô̆i sơ̆ Uông Chu Lưu, pôk ăn Mê đai Dŏng teh đak dơ̆ng mă Pêng ăn Thượng tướng Trần Quang Phương - Kơ iĕng Kơdră chĕp pơgơ̆r Kuô̆k hô̆i, pôk ăn Mê đai jang pran kơtang gơ̆h hơgei dơ̆ng mă Pêng ăn kơ ƀok Trần Văn, sơ̆ Jang tơgŭm ăn Kơ iĕng kơdră chĕp pơgơ̆r Kuô̆k hô̆i Phùng Quốc Hiển.