Ƀlep lơ̆m jơ ‘năr kơkuh chơt hơ iă tơbăt 93 sơnăm pơjing Đảng Cộng sản Việt Nam, lơ̆m jơ ‘năr pơđĭ lơ̆m teh đak tŏk bŏk hơmet ăn sơng têt joăt joe kơ hơdrĕch hơdrung Têt Quý Mão tơ̆ Hơnĭh bơ̆ jang  Dơnŏ anĭh Ƀô̆ đô̆i vei lăng sơlam Teh đak An Giang ( pơlei tơm Châu Đốc, An Giang), Kơdră chĕp pơgơ̆r Kuô̆k hô̆i Vương Đình Huệ năm ngôi, hmach Têt, pôk tơmam drăm ăn ŭnh hnam đei iŏk yua ăn Teh đak, unh hnam dơnuh, kon pơlei kon kông păng kŏng nhân bơngai jang ŭnh hnam tơnap tap lơ̆m dêh char An Giang.

Sơnăm 2023 đei tơdra hơdrol hơnơ̆ng đei lơ tơdrong tơnap tap, tơdrong long, kơ yuơ lơ loh, Kơdră chĕp pơgơ̆r Kuôk hô̆i ‘mĕh vă Khŭl Đảng, Kơdră chĕp pơgơ̆r tơring, Khŭl ƀô̆ đô̆i păng kon pơlei An Giang hơnơ̆ng jang kiơ̆ kơjăp tơdrong joăt joe kơ tơring kĕch mang nuih mơng, tơgoăt tơgoăl mĭnh nơ̆r ƀơ̆r đon, hơmet pơ ‘lơ̆ng tơnap tap, tơdrong long adoi pơgĕnh rim tơdrong rơvơn vă jang keh đang trong tơlĕch jang atŏk tơ iung. Kơdră chĕp pơgơ̆r Kuô̆k hô̆i Vương Đình Huệ hăm khŭl bơ̆ jang hlôi pôk ăn 200 tơnô̆ tơmam pôk ăn ŭnh hnam đei iŏk yua ăn Teh đak, ŭnh hnam dơnuh, kon kông păng kŏng nhân bơngai jang ŭnh hnam tơnap tap lơ̆m dêh char An Giang; pôk tơmam drăm Têt ăn kang ƀô̆, ƀô̆ đô̆i kơ Dơnŏ anĭh Ƀô̆ đô̆i vei lăng sơlam teh đak dêh char An Giang.