VOV4.Bahnar - Tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Vương Đình Huệ ‘nao đei jơ tơ ƀơ̆p Kơdră tang măt tĕh đak Cộng hòa Cuba tơ̆ Việt Nam Orlando Nicolas Hernandez Guillen hăm Kơdră tang măt tĕh đak Liên bang Nga tại Việt Nam Gennady Bezdetko, trŭh kŭh ka hla bat, iŏk tơdrong jang.

Rup jơ tơƀơ̆p pơma dơnŭh

Sơng pơma dơnŭh hăm Kơdră tang măt Cuba Orlando Nicolas Hernandez Guillen, Kơdră chĕp pơgơ̆r Kuôk hô̆i Vương Đình Huệ hăm Kơdră tang măt Cuba jei pơma hơdăh, Việt Nam păng Cuba ling lang yak hơdoi, tơgŭm djru dĭh băl lơ̆m khei ‘năr tơnap tap hloh, vang chơt hơ iă dôm tơdrong ‘lơ̆ng rŏ găh dôm tơdrong iŏk đei jơnei lơ̆m bơ̆ jang tơ iung pơjing păng vei lăng Tĕh đak. Sơng pơma dơnŭh hăm Kơdră tang măt Tĕh đak Nga Gennady Bezdetko, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Việt Nam ling lang lăng kơ jăp tơgoăt tơgoăl ‘lơ̆ng hơ iă joăt joe păng jang hơdoi tôm tong hăm Liên bang Nga, ‘mĕh vă atŏk kơtang hlŏh dơ̆ng jang hơdoi hăm Liên ƀang Nga lơ̆m rim tơdrong, kơ yuơ rơngei hiôk hian, sơđơ̆ng, jang hơdoi păng atŏk tơ iung lơ̆m tơring păng apŭng plĕnh tĕh.

Tơblơ̆ nơ̆r: Amazưt