Tơ̆ Hop akŏm, kơdră chĕp pơgơ̆r rim Hơnih tơm, hơnih bơ̆ jang ƀar teh đak păng rim hơnih mơdro sa hlôi pơma dơnuh găh tơdrong đei vă jang hơdoi lơ̆m rim tơdrong đei lăng truh, đơ̆ng nŏh hơlen kơtơ̆ng ang kăl, hlôh vao hloh dơ̆ng găh trong bơ̆ jang tơgŭm djru mơdro sa păng hơvơn teh đak đe tơmơ̆t jên jang kơ Cuba, dôm tơdrong jang tơlĕch jang hơdrol păng dôm tơdrong jang đei rơvơn vă chă tơchĕng hơlen, pơtrŭt mơdro sa păng tơdrong vă jang tơmơ̆t jên jang tơ̆ Cuba.

Tơ̆ Hop akŏm, Thủ tướng Cuba, Kơdră chĕp pơgơ̆r Kuô̆k hô̆i Vương Đình Huệ atŭm hăm rim kơdră tang măt hlôi vang năm pơm lêh kĭ pơkăp păng pơjao dih băl hla bơar drơ̆ng nơ̆r jang hơdoi ƀar păh hơnih mơdro sa ƀar teh đak lơ̆m rim tơdrong jang ŭnh hơyuh, đak dau, tơmam drăm ming man păng gre păr chơ tơmoi.