VOV4.Bahnar - Pơgê 13/7, Jơnŭm vei lăng kon pơlei dêh char Phú Thọ hlôi pơgơ̆r blŭng a ‘măng hop akŏm mă 4, Jơnŭm vei lăng kon pơlei dêh char jăl 19, jăl jang 2021 - 2026.

Kơdră chĕp pơgơ̆r Kuô̆k hô̆i Vương Đình Huệ vang năm pơgơ̆r blŭng a Hop akŏm mă 4 Jơnŭm vei lăng kon pơlei dêh char Phú Thọ

Vang năm hop akŏm păng iung pơma pơrô̆ tơ̆ pơgơ̆r blŭng a, Kơdră chĕp pơgơ̆r Kuô̆k hô̆i Vương Đình Huệ hôn bơnê dôm tơdrong jang dêh char Phú Thọ hlôi iŏk đei jơnei lơ̆m khei năr au ki păng akhan, lơ̆m tơdrong iŏk đei jơnei atŭm kơ dêh char đei tơdrong vang tơgop đơ̆ng Jơnŭm vei lăng kon pơlei, rim kơdră tang măt Jơnŭm vei lăng kon pơlei rim hơnĭh dêh char Phú Thọ. Kơdră chĕp pơgơ̆r Kuô̆k hô̆i athei Khŭl kơdră Đảng, Kơdră chĕp pơgơ̆r dêh char Phú Thọ kăl hơnơ̆ng tơlĕch jang kiơ̆ jơnei Tơdrong tơchơ̆t Pơm lêh Hop akŏm Đảng lơ̆m tĕh đak ‘măng mă 13, Tơdrong tơchơ̆t Pơm lêh hop akŏm Đảng dêh char ‘măng mă 19, rim tơdrong jang hlôi đei kĭ tơchơ̆t vă tơlĕch jang kiơ̆ rim tơdrong tơchơ̆t đơ̆ng Trung ương, Kuô̆k hô̆i, Khul kơdră Tĕh đak. Rim tơdrong bơ̆ jang đei tơlĕch kăl lăng kơ jăp, rim trong bơ̆ jang ‘ngoăih pơ gĕnh dôm tơdrong rơvơn, tơdrong đei kơ dĭh kơ kơ mĭnh dêh char Tơmăn groi kông kăl oei lăng trŭh tơgoăt jang hơdoi tơring. Lăng ba kơ jăp atŏk tơ iung mŭk drăm, jŏh ayŏ păng tơpôl kiơ̆ trong vei lăng cham char.

Tơblơ̆ nơ̆r: Amazưt