VOV4.Bahnar - Ƀlep lơ̆m năr tơbăt 77 sơnăm Năr Kuô̆k Khănh tĕh đak Cộng hòa xã hội chủ nghĩa Việt Nam, pơgê năr 31/8, khŭl kơdră tang măt Dơnŏ anĭh Đảng-Jơnŭm vei lăng kon pơlei-Dơnŏ anĭh vei lăng kon pơlei-Dơnŏ anĭh MTTQ Việt Nam pơlei tơm HCM kơ yuơ ƀok Nguyễn Văn Nên, Kơdră jang lơ̆m Dơnŏ anĭh tơm Chĭnh trĭ, Ƀĭ thư Đảng pơlei tơm Hồ Chí Minh pơm kơdră Khŭl hlôi trŭh sŏh hlôt nhang, glơng gơvang pơkao tơbăt ăn Kơdră chĕp pơgơ̆r tĕh đak Hồ Chí Minh (Ƀok Hô) păng Kơdră chĕp pơgơ̆r tĕh đak Tôn Đức Thắng.  

Ƀok Nguyễn Văn Nên sŏh hlôt nhang tơbăt ƀlŏk hơdơ̆r kơ Ƀok Hô

Tơ̆ Hơnĭh Mong răk mŭk drăm Hồ Chí Minh - Hơnĭh hơdrai Hồ Chí Minh, khŭl hlôi kŭh ka hla bat sŏh hlôi nhang, glơng gơvang pơkao tơbăt ăn kơ Kơdră chĕp pơgơ̆r Tĕh đak, kŭh ka hla bat tơbăt ƀlŏk hơdơ̆r tơdrong tơgop tĭh tên đơ̆ng Ƀok Hô hăm tơdrong jang kĕch mang gơ̆h hơgei kơ Đảng kơ hơdrĕch hơdrung. Kiơ̆ đơ̆ng rŏng ‘nŏh hlôi sŏh hlôt nhang glơng gơvang pơkao tơbăt ăn Kơdră chĕp pơgơ̆r tĕh đak Tôn Đức Thắng tơ̆ Hơnĭh ƀlŏk hơdơ̆r Tôn Đức Thắng. Tơ̆ au, rim kơdră tang măt hlôi kŭh ka hla bat ƀlŏk hơdơ̆r ăn kơdră chĕp pơgơ̆r chăl hle, mĭnh ‘nu kơdră jang ‘lơ̆ng, đĭ jơhngơ̆m bơ̆ jang kĕch mang, bơ̆ jang tơgŭm ăn kon pơlei.

Tơblơ̆ nơ̆r: Amazưt