Lăp đơ̆ng rŏng mơ̆ng nơ̆r tơgop đơ̆ng bơngai tang măt rim hơnih tơm, hơnih bơ̆ jang, bơngai tang măt kơdră chĕp pơgơ̆r Hơnih tơm Xek tơlang, Kơdră chĕp pơgơ̆r Teh đak Lương Cường akhan, đơ̆ng blŭng jăl jang Hop akŏm tih ‘măng mă XIII kơ Đảng truh dang ei, ‘ngoăih lơ tơdrong rơvơn Hơnih jang Xek tơlang tơm jei tơƀơ̆p tôch kơ lơ tơdrong tơnap tap, mă lei hơnih jang hlôi bơ̆ jang ‘lơ̆ng, tơgoăt tơgoăl kơjăp kơrŭn đĭ ai jang keh đang rim tơdrong jang, hơnăp jang kiơ̆ tơdrong tơchơ̆t. Kơdră chĕp pơgơ̆r Teh đak jei tơƀôh hơdăh dôm tơdrong jag tim mă ‘lơ̆ng păng athei Hơnih tơm xek tơlang hơmet pơ ‘lơ̆ng vă iung jang kiơ̆ ‘lơ̆ng tơdrong jang lơ̆m khei năr kơnh. Kơdră chĕp pơgơ̆r Teh đak lui, hăm jơhngơ̆m đon tơgoăt tơgoăl, kơrŭn đĭ ai, mĭnh jơhngơ̆m đon, Hơnih tơm xek tơlang gô yak hloh tơdrong tơnap tap, tơdrong long păng jang keh đang ‘lơ̆ng tơdrong jang, hơnăp jang kơdih, atŏk tơ iung tom tong păng pran kơtang hloh dơ̆ng lơ̆m khei năr kơnh.