Yak mơ̆t lơ̆m sơnăm 2026, sơnăm blŭng tơlĕch jang kiơ̆ Tơdrong tơchơ̆t Hop akom tih mă XIV kơ Đảng păng Tơdrong jang iung jang kiơ̆ Tơdrong tơchơ̆t Hop akŏm tih mă XIV kơ Đảng păng Tơdrong tơchơ̆t Hop akom tih Đang ƀô̆ dêh char Lào Cai, Kơdră chĕp pơgơ̆r Teh đak Lương Cường pơma hơdăh ‘nou jĭ sơnăm tôch gĭt kăl, pơ̆ih blŭng ăn jăl atŏk tơ iung ‘nao hăm trong tơlĕch ăn jang kiơ̆ jơnei ƀar trong tơlĕch jang 100 sơnăm: Truh sơnăm 2030 ba teh đak jing teh đak tŏk bŏk atŏk tơ iung đei kmăi kmŏk hơgei, jang sa iŏk đei jô̆ hơtŏ lơ; truh sơnăm 2045 đei jing teh đak atŏk tơ iung, jang sa iŏk đei lơ. Kơdră chĕp pơgơ̆r Teh đak Lương Cường athei Đang ƀô̆, kơdră chĕp pơgơ̆r păng kon pơlei dêh char Lào Kai hơnơ̆ng jang kiơ̆ tơdrong joăt joe tơgoăt tơgoăl pôm nơ̆r ƀơ̆r đon, iung jang ‘lơ̆ng dôm tơdrong đei, pơgơ̆r jang kiơ̆ kơtang rim tơdrong jang atŏk tơ iung mŭk drăm-tơpôl; atŏk kơtang hơmet pơ ‘lơ̆ng trong bơ̆ jang, pơm hơtŏk bơ̆ jang jơnei kơ khul kơdră chĕp pơgơ̆r ƀar kâp; vei lăng năng tông tơdrong hơrih sa kơ kon pơlei, vei kơjăp vei lăng sơđơ̆ng teh đak, pơm tơm tơ-‘ngla tơring sơlam teh đak.