Iung pơma tơ̆ jơ bơ̆ jang, Kơdră chĕp pơgơ̆r Teh đak Lương Cường pơma tơbăt jơhngơ̆m chơt hơ iă truh năm ngôi hăm kang ƀô̆, ƀô̆ đô̆i Quân đoàn 12 - Quân đoàn đei pơjing kiơ̆ trong, “kơtoei, gơ̆h hơgei, pran kơtang” mă blŭng kơ Khul Ƀô̆ đô̆i kon pơlei Việt Nam. Tang măt ăn Kơdră chĕp pơgơ̆r Đảng, Teh đak, Kơdră chĕp pơgơ̆r Teh đak Lương Cường hôn bơnê dôm tơdrong iŏk đei jơnei kơtang mă khul ƀô̆ đô̆i Quân đoàn 12 hlôi iŏk đei lơ̆m khei năr ou ki. Kơdră chĕp pơgơ̆r Teh đak athei Quân đoàn 12 kăl akŏm chĕp pơgơ̆r, pơrô̆ jang kiơ̆ jơnei rim trong tơlĕch jang, tơdrong jang Hop akŏm tih kơ Đảng lơ̆m teh đak ‘măng XIII, Tơdrong tơchơ̆t Hop akŏm tih Đang Ƀô̆ đô̆i ‘măng mă XI sơkơ̆t hơdăh. Quân đoàn hơnơ̆ng jang kiơ̆ ‘lơ̆ng bơ̆ jang hơdoi hăm khul kơdră chĕp pơgơ̆r đảng, tơring, kon pơlei rim tơring mă hơnih oei, tơ iung pơjing “kon pơlei vang vei lăng sơđơ̆ng”, tơring tang găn hơlou kơjăp iăp kơtang.