Tơ̆ jơ bơ̆jang, Kơdră chĕp pơgơ̆r Teh đak Lương Cường hôn bơnê dôm tơdrong bơ̆ jang pran kơtang, iŏk jơnei đơ̆ng khul Kŏng ang đơ̆ng jăl jang truh dang ei iung jang kiơ̆ pran kơtang đơ̆ng hơtăih rim tơdrong đei ƀơm truh vei lăng sơđơ̆ng teh đak, pơm pơrăm khul yoch, hơmet pơ ‘lơ̆ng keh đang dôm tơdrong ưh kơ ‘lơ̆ng hơ iă. Mă kăl, Hơnih tơm Kŏng ang hlôi yŭk trong hơlou lơ̆m tơplih kơsô̆ păng jang kiơ̆ Tơdrong tơchơ̆t 18 đơ̆ng Trung ương, tơ iung pơjing khul rơgoh ‘lơ̆ng, pran kơtang, gơ̆h hơgei atŭm hăm hơmet pơ ‘lơ̆ng khul jang pran kơtang, bơ̆ jang ‘lơ̆ng pơproh ăn hơmet ming khul bơ̆ jang chinh trĭ. Khei năr kơnh, Kơdră chĕp pơgơ̆r Teh đak Lương Cường athei khul kŏng ang hơnơ̆ng đĭ jơhngơ̆m đon vei lăng năng tông kơjăp iăp kơtang sơđơ̆ng dơ̆ng kơjăp rim tơdrong pơgơ̆r kăl kơ teh đak păng Hop akŏm tih kơ Đảng rim hơnih, lăng truh Hop akŏm tih ‘măng mă XIV kơ Đảntg.