Kơdră chĕp pơgơ̆r Hơnih bơ̆ jang ăn Kơdră chĕp pơgơ̆r Teh đak tơbăt, lơ̆m khei 3, hăm trong chĕp pơgơ̆r tơnăp đơ̆ng Kơdră chĕp pơgơ̆r teh đak, hơnih bơ̆ jang hlôi tơlĕch jang kơtang tôm tong dôm tơdrong jang, pơvih pơvăn jơnei bơ̆ jang kơ chĕp pơgơ̆r Teh đak lơ̆m rim tơdrong. Iung pơma pơtôch hop akŏm, Kơdră chĕp pơgơ̆r Teh đak Lương Cường hôn bơnê dôm tơdrong jơnei mă Hơnih bơ̆ jang ăn Kơdră chĕp pơgơ̆r teh đak iŏk đei lơ̆m khei ăr ou ki, pơma hơdăh, Hơnih bơ̆ jang hlôi iung jang ‘lơ̆ng hơnăp jang, tơlĕch jang hơ iă, tơgop gĭt kăl lơ̆m tơdrong jang kiơ̆ tơdrong jang kơ chĕp pơgơ̆r Teh đak. Pơma truh tơdrong jang truh ou kơnh, Kơdră chĕp pơgơ̆r teh đak athei Hơnih bơ̆ jang hơnơ̆ng atŏk kơtang bơ̆ jang chă tơchĕng hơlen, pơchoh trong, chih akŏm; iung jang hơmet ăn ‘lơ̆ng dôm tơdrong jang, hla bơar jang pơvih pơvăn ăn rim ‘măng hop akom kơ khul kơdră tơm dơnơm, Hơnih tơm Chinh trĭ, Ban Bí thư păng dôm tơdrong jang kiơ̆ trong tơlĕch jang.