Lăp đơ̆ng rŏng mơ̆ng nơ̆r tơgop đơng bơngai tăh hla, iung pơma tơ̆ Hop akŏm, Kơdră chĕp pơgơ̆r Teh đak Lương Cường tơbăt, ‘Măng hop akŏm mă 10, Kuô̆k hô̆i jăl XV truh ou kơnh jing ‘măng hop akom tuch luch, tôch gĭt kăl, mĭnh păh hơlen pơtôch ‘măng bơ̆ jang lơ̆m jăl jang, adoi pơchoh trong ăn jăl jang atŏk tơ iung ‘nao, lơ̆m ou Kuô̆k hôi lăng hơlen, tơchơ̆t lơ tơdrong kăl, lơ̆m ou đei dang vă jê̆ 50 tơdrong vă pơjing khôi luơ̆t, tơdrong tơchơ̆t păng 13 khul jang tih găh mŭk drăm-tơpôl, atŭm hăm lơ tơdrong kăl anai. Pơma hơdăh, mĭnh tơdrong jơnei kơ teh đak, kơ Pơlei tơm jei đei tơdrong tơgop gĭt kăl đơ̆ng kon pơlei, Kơdră chĕp pơgơ̆r Teh đak hơpơi ‘meh vă kon pơlei hơnơ̆ng jang kiơ̆ ‘lơ̆ng tơdrong joăt joe kĕch mang mĭnh jơhngơ̆m đon, tơgoăt tơgoăl, vang kơrŭn jơhngơ̆m tơ iung pơjing teh đak bơ̆n roi năr roi pơdrŏng nuih mơng, yak hơtŏ hăm bôl boăl lơ̆m apŭng plĕnh teh nhen Ƀok Hô ‘mêm kơ eng kơ bơ̆n hơpơi ‘meh vă.