Tơ̆ jơ bơ̆ jang, Kơdră chĕp pơgơ̆r Nguyễn Xuân Phúc athei Khŭl hơmet pơ ‘lơ̆ng khŭl kơdră chĕp pơgơ̆r đơ̆ng Trung ương trŭh tơring, iung jang ‘lơ̆ng tơdrong jang; tơlĕch trong jang tơgŭm djru, gre au to vă tơdrong jang khŭl đei jơnei hlŏh dơ̆ng, kang ƀô̆ lơ̆m khŭl sơđơ̆ng jơhngơ̆m bơ̆ jang.

Hôn bơnê kơtang Khŭl chư pơglang ƀrê tơlĕch jang Tơdrong jang Têt ‘mêm mơnat ƀlep lơ̆m khei ‘năr Têt Nguyên đán Quý Mão, Kơdră chĕp pơgơ̆r Tĕh đak Nguyễn Xuân Phúc pơkă, khei năr đơ̆ng dang ei trŭh Têt Nguyên đán pă đunh bơih, Khŭl đei tơdrong jang, trong pơprŏ jang hơdăh sơng iŏk đei tơgŭm djru đơ̆ng rim hơnĭh tơm, hơnih bơ̆ jang păng tơring tơring, mĭnh păh chă hơvơn tơpôl vang iung jang tơgŭm djru vei lăng năng tông Têt ăn bơngai dơnŭh, bơngai tơnap tap.