VOV4. Bahnar - Pơgê năr 21/4, tơ̆ Hà Nội, Kơdră chĕp pơgơ̆r Tĕh Nguyễn Xuân Phúc hlôi bơ̆ jang hăm Khŭl kơdră chĕp pơgơ̆r Trung ương Khŭl jang Luơ̆t sư Việt Nam.

Kơdră chĕp pơgơ̆r Tĕh đak Nguyễn Xuân Phúc bơ̆ jang hăm Khul jang Luơ̆t sư Việt Nam.

Kơdră chĕp pơgơ̆r Tĕh đak hôn bơnê kơtang kơ Khŭl jang Luơ̆t sư Việt Nam găh dôm tơdrong jang iŏk đei jơnei, adoi sơkơ̆t hơdăh, Đảng, Tĕh đak hơnơ̆ng ‘măn ăn tơdrong lăng ba gĭt kăl trŭh hơnĭh jang păng tơdrong jang kơ Khŭl. Kơdră chĕp pơgơ̆r Tĕh đak athei, Đảng đoàn păngKhŭl kơdră chĕp pơgơ̆r Trung ương Khŭl jang Luơ̆t sư Việt Nam kăl hơnơ̆ng lăng ba kơ jăp pơrô̆ chĕp pơgơ̆r rim hơnĭh jang kơ khul jang kiơ̆ trong bơ̆ jang đơ̆ng Đảng, mă kăl ‘nŏh Nơ̆r athei jang kiơ̆ 56 kơ Dơnŏ anĭh tơm Chĭnh trĭ, atŏk kơtang hơnăp jang kơ khŭl jang chĭnh trĭ bơ̆ jang, sơđơ̆ng jang jơnei kiơ̆ ƀlep trong tơchơ̆t. Kơdră chĕp pơgơ̆r Tĕh đak Nguyễn Xuân Phúc jei athei Khul Luơ̆t sư hơnơ̆ng atŏk kơtang pơtho tơbăt trong bơ̆ jang đơ̆ng Đảng, Khôi luơ̆t kơ Tĕh đak ăn rim bơngai lơ̆m khŭl păng kon pơlei, atok kơtang jơhngơ̆m đon yom kiơ̆ kơ jăp Khôi luơ̆t păng pơm kiơ̆ khôi luơ̆t.

Tơblơ̆ nơ̆r: Amazưt