Iung pơma tơ̆ Hop akom, Kơdră chĕp pơgơ̆r Tĕh đak Nguyễn Xuân Phúc akhan, apung plĕnh tĕh tŏk bŏk ƀô̆h hơdăh dôm tơdrong tơplĭh kơtang hăm lơ tơdrong kăl păng mơmat tơdra hơdrol.

Hop akŏm APEC jei tơjră mŭh măt hăm lơ tơdrong long tim lăh đei, kơ yuơ lơ lŏh, rim tơdrong yă kiơ mă rim tĕh đak lơ̆m khŭl drơ̆ng mĭnh nơ̆r lơ̆m đon tơchĕng păng iung jang kiơ̆ hrei au ‘nŏh tôch gĭt kăl hăm APEC păng ăn rim jơhnơr đơ̆ng rŏng. Kơdră chĕp pơgơ̆r tĕh đak pơma hơdăh châu Á - Thái Bình Dương rơngei, sơđơ̆ng, jang hơdoi, hơnŭk hơnoa păng atŏk tơ iung kơjăp ‘nŏh trong tơlĕch jang, hơnăp jang atŭm, kăl iung jang hơdoi dĭh băl đơ̆ng rim tĕh đak lơ̆m khŭl jang mŭk drăm APEC.