VOV4.Bahnar - Pơgê năr 29/3, Kơdră chĕp pơgơ̆r tĕh đak Nguyễn Xuân Phúc hăm Khŭl bơ̆ jang hlôi dăr lăng mĭnh ƀar hơnĭh jang mŭk drăm hơdoi, hơp tak xah jang sa iŏk yua kơ jăp lơm chŏh jang sa tơ̆ pơlei tơm Sa Đéc păng apŭng Tháp Mười, dêh char Đồng Tháp.

Kơdră chĕp pơgơ̆r Tĕh đak Nguyễn Xuân Phúc năm ngôi Hơp tak xah tĕch mơdro tơmam drăm chŏh jang sa Mỹ Đông 2

Lăp đơ̆ng rŏng mơ̆ng tơbăt, Kơdră chĕp pơgơ̆r Tĕh đak Nguyễn Xuân Phúc hôn bơnê rim trong jang mŭk drăm hơdoi lơ̆m chŏh jang sa, atok tơ iung chŏh jang sa tơklep hăm tơmang pơ hiơ̆, đei hloi tơmam drăm tĕch mơdro tơ̆ tĕh đak đe, hơnhăk đei iok yua kơ jăp. Năm ngôi hơnĭh jang sa kơ Hơp tak xah tĕch mơdro  tơman drăm chŏh jang sa Mỹ Đông 2 tơ̆ apŭng Tháp Mười, Kơdră chĕp pơgơ̆r Tĕh đak Nguyễn Xuân Phúc hôn bơnê kơ Hơp tak xah đei trong jang sa iŏk yua kơ jăp, mă kăl pơ̆n jang kiơ̆ khoa hŏk kmaiw kmŏk hơgei lơm jang sa, pơkom kon jên tơmơ̆t jang păng pơm pơ ‘lơ̆ng chŏh jang sa. Hơp tak xah hlôi jang ‘lơ̆ng rim tơdrong răt tơmơt păng tĕch tơlĕch, atŏk kơtang tơgoăt jang hơdoi hăm hơnĭh mơdro sa tơgŭm tơmam drăm phe ‘lơ̆ng tĕch ăn tĕh đak đe. Kơdră chĕp pơgơ̆r Tĕh đak akhan, ‘nau jei jing trong jang iŏk yua kơ jăp mă apŭng Tháp Mười păng dêh char Đồng Tháp kăl lang să.

Tơblơ̆ nơ̆r: Amazưt