VOV4.Bahnar - Pơgê năr 3/8, Kơdră chĕp pơgơ̆r Tĕh đak Nguyễn Xuân Phúc, Kơdră Dơnŏ anĭh chĕp pơgơ̆r Hơmet ming Tư pháp Trung ương hlôi năm ngôi păng dăr lăng bơ̆ jang ăn pơnă brŏk hrôih sơnăm 2022 tơ̆ Hnam pơnă Xuân Lộc (Cục C10, Dơnŏ anŭh tơm Kŏng ang), apŭng Xuân Lộc, dêh char Đồng Nai.

Tơ̆ jơ bơ̆ jang, Kơdră chĕp pơgơ̆r tĕh đak Nguyễn Xuân Phúc athei lơ̆m 1 khei kơnh, rim hnam pơnă păng hơnĭh pơtho đon lơ̆m tĕh đak dăr lăng dơ̆ng vă sơđơ̆ng ư̆h kơ lon bơngai pơnă ayơ đei tôm rơvơn păng ư̆h kơ lê̆ dôm bơngai ư̆h kơ tôm rơvơn, ư̆h kơ ƀlep tơchơt ‘lơ̆ng mă xek ăn brŏk hrôih ‘măng mă au. Kơdră chĕp pơgơ̆r tĕh đak jei athei Jơnŭm jang tơgŭm ăn pơnă brŏk hrôih jang kiơ̆ kơ jăp khôi luơ̆t găh ăn pơnă brok hrôih, hăm nơ̆r athei ‘nŏh ư̆h kơ lê̆ đei tơdrong pơm glăi, tơdăh đei tơbăt kăl lăng hơlen mă brĕ vă hoei pơm kơnê̆ trŭh trong oei sa ‘lơ̆ng hơ iă păng trong bơ̆ jang tĭh tên au đơ̆ng Đảng, tĕh đak. Rim tơring kăl hơmet ăn tôm tơdrong vă dôm pơnă gơ̆h brŏk hrôih mơt oei erĭh sa ‘lơ̆ng hơ iă hăm kon pơlei pơla.

Tơblơ̆ nơ̆r: Amazưt