Tơ̆ jơ sơng, Kơdră chĕp pơgơ̆r Tĕh đak Nguyễn Xuân Phúc sơkơ̆t hơdăh, Việt Nam ling lang lăng kơ jăp atŏk kơtang Tơgoăt tơgoăl jang hơdoi gĭt kăl hăm Australia, mĭnh tĕh đak jang hơdoi atŏk tơ iung gĭt kăl kơ Việt Nam tơ̆ Pơbăh Thái Bình Dương păng jei jing Tĕh đak jang hơdoi gĭt kăl Tôm tong kơ ASEAN.

Kơdră chĕp pơgơ̆r tĕh đak hôn bơnê kơtang tơdrong rim ƀang kơ Australia atŏk kơtang tơgoăt tơgoăl hăm Việt Nam; rim tơring ƀar tĕh đak hơdrin tơchă rơvơn atŏk kơtang jang hơdoi; lơ̆m au đei ƀang South Australia jang hơdoi hăm dêh char Nghệ An, Đà Nẵng găh pơtho pơhrăm. Kơdră chĕp pơgơ̆r Tĕh đak athei ƀang South Australia pơ̆ih să jang hơdoi hăm lơ tơring anai kơ Việt Nam; adoi lăng hơlen pơjing Hơnĭh jang tang măt mơdro sa-tơmơ̆t jên jang tơ̆ Việt Nam.