VOV4.Bahnar - Tơ̆ Hơnĭh bơ̆ jang Kơdră chĕp pơgơ̆r Tĕh đak, Kơdră chĕp pơgơ̆r Tĕh đak Nguyễn Xuân Phúc sơng pơma dơnuh hăm Kơdră chĕp pơgơ̆r Dơnŏ anih tơm Dăr lăng hơlen Liên bang Nga Igor Krasnov tŏk bŏk năm tơmang păng bơ jang tơ̆ Việt Nam đơ̆ng năr 4 trŭh năr 6/10.

Kơdră chĕp pơgơ̆r Tĕh đak sơng pơma dơnuh hăm Kơdră chĕp pơgơ̆r Dơnŏ anih tơm Dăr lăng hơlen Liên bang Nga

Tơ̆ jơ sơng, Kơdră chĕp pơgơ̆r Tĕh đak Nguyễn Xuân Phúc pơma hơdăh, Việt Nam ling lang lăng kơjăp, ƀlŏk hơdơ̆r tơdrong tơgum djru tĭh tên đơ̆ng Liên Xô sơ̆, Liên bang Nga hrei au păng hơdrin atŏk tơ iung tơgoăt tơgoăl jang hơdoi tôm tong hăm Liên bang Nga hơnơ̆ng atŏk tơ iung. Lơ̆m ‘măng năm tơmang au, Kơdră chĕp pơgơ̆r Dơnŏ anĭh tơm Dăr lăng hơlen Liên bang Nga Igor Krasnov lui akhan, hăm jang sa hơdoi hơnơ̆ng, ƀar păh gô iŏk đei lơ tơdrong jơnei lơ̆m iung jang hơdoi tang găn khŭl yoch, tơgop kơtang lơ̆m vei lăng sơđơ̆ng tĕh đak, sơđơ̆ng tơpôl kơ ƀar tĕh đak păng hơnơ̆ng atŏk kơtang tơgoăt tơgoăl dih băl joăt joe đơ̆ng sơ̆ Việt Nam-Liên bang Nga.

VOV/Amazưt tơblơ̆ nơ̆r