VOV4.Bahnar - Lăng trŭh tơbăt 75 sơnăm Năr Ƀô̆ đô̆i rơka, lôch dŏng tĕh đak, kơsơ̆ năr 13/7, tơ̆ Hơnĭh bơ̆ jang Kơdră chĕp pơgơ̆r Tĕh đak, Kơdră chĕp pơgơ̆r Tĕh đak Nguyễn Xuân Phúc tơ ƀơ̆p mŭh măt rim kơdră tang măt Hơnĭh krao tơchă găh Khŭl Ƀô̆ đô̆i so lơ̆m tĕh đak Kơdrăn tơblăh Vị Xuyên - Hà Tuyên.

Iung pơma tơ̆ jơ tơ ƀơ̆p, Kơdră chĕp pơgơ̆r Tĕh đak sơkơ̆t hơdăh, Tĕh đak, kon pơlei ling lang yom kiơ̆, ƀlŏk hơdơ̆r, ling lang băt bơnê rim ƀô̆ đô̆i nuih mơng hlôi plang akau vei lăng Tĕh đak; tơgop pơm ‘lơ̆ng ăn tơdrong joăt joe ‘mêm kơ eng tĕh đak, nuih mơng kơ hơdrĕch hơdrung bơ̆n. Kơdră chĕp pơgơ̆r Tĕh đak hôn bơnê dôm tơdrong tơgop, yak hlŏh tơnap tap kơ Khŭl păng Hơnĭh krao tơchă Khŭl Ƀô̆ đô̆i so lơ̆m tĕh đak Kơdrăn tơblăh Vị Xuyên hlŏh 6 sơnăm pơjing. Hăm dang 22.000 ‘nu bôl boăl lơ̆m găh 44 khŭl tơring, Khŭl hlôi hơmet pơ ‘lơ̆ng tơdrong bơ̆ jang păng tơdrong jang roi năr roi lơ, tơpă yan au, tơgŭm djru xek tơlang dôm tơdrong đei iok yua sa hơpăh; vang hơlêm, tơgŭm djru dĭh băl lơ̆m erĭh sa.

Tơblơ̆ nơ̆r: Amazưt