Sơng pơma dơnŭh hăm Kơdră tang măt Sri Lanka, Kơdră chĕp pơgơ̆r teh đak Nguyễn Xuân Phúc sơkơ̆t hơdăh, Việt Nam hơnơ̆ng lăng kăl tơgoăt tơgoăl joăt joe păng jang lơ tơdrong hăm Sri Lanka, ‘mĕh vă hơnhăk tơgoăt tơgoăl ƀar teh đak đei jơnei hlŏh dơ̆ng.

Lơ̆m khei năr kơnh, Kơdră cdhĕp pơgơ̆r Teh đak Nguyễn Xuân Phúc athei, ƀar teh đak nơ̆ng ăn khul kơdră kơpal năm tơƀơ̆p dĭh băl, ‘moi kiơ̆ lơ̆m rim Khŭl kơdră teh đak, Kuô̆k hô̆i, Đảng chĭnh trĭ păng kon pơlei chă năm ngôi dĭh băl. Sơng pơma dơnuh hăm Kơdră tang măt Campuchia trŭh tơklăh ti, Kơdră chĕp pơgơ̆r teh đak Nguyễn Xuân Phúc hmach chơt hơ iă ăn Kơdră tang măt hlôi bơ̆ jang keh đang, tơgop gĭt kăl ăn tơgoăt tơgoăl ƀar teh đak, mă kăl ‘nŏh lơ̆m Sơbnăm Tơgoăt tơgoăl git kăl Việt Nam – Campuchia 2022. Kơdră chĕp pơgơ̆r teh đak ‘mĕh vă, trŭh au kơnh, mă đơ̆ng hăm kơchư̆k jang yă kiơ, Kơdră chĕp pơgơ̆r Teh đak jei hơnơ̆ng ƀlŏk hơdơ̆r kơ teh đak Việt Nam, hơnơ̆ng tơgop jơhngơ̆m đon kơdĭh lơm tơdrong vei lăng, pơm pơ ‘lơ̆ng joăt joe tơgoăt tơgoăl, jang hơdoi păng tơgum djru dĭh băl kơ ƀar teh đak.