Kơdră chĕp pơgơ̆r Teh đak Nguyễn Xuân Phúc hmach chơt hơ iă ăn Kuô̆k hô̆i Indonesia hlôi pơgơ̆r keh đang Hop akŏm Nghị viện G20 (P20), tơgop tơgŭm Indonesia jang keh đang hơnăp jang Kơdră chĕp pơgơ̆r G20 sơnăm 2022; sơkơ̆t hơdăh Việt Nam gô hơdrin hloh dơ̆ng tơgŭm djru Indonesia bơ̆ jang keh đang hơnăp jang Kơdră chĕp pơgơ̆r ASEAN adoi nhen Kơdră chĕp pơgơ̆r Hop akŏm Jơnŭm Khul Nghị viện rim teh đak Đông Nam Á (AIPA) ‘măng  44 sơnăm 2023; Kơdră chĕp pơgơ̆r Kuô̆k hô̆i Indonesia drơ̆ng nơ̆r atŏk kơtang chă pơma dơnŭh vă tơbăt dih băl trong jang ‘lơ̆ng lơ̆m tơ iung pơjing khôi luơ̆t păng iung jang hơdoi dăr lăng rim Tơdrong drơ̆ng mĭnh nơ̆r jang hơdoi ƀar păh ƀar teh đak vă atŏk kơtang hơnăp jang kơ hơnĭh pơjing khôi luơ̆t kơ ƀar teh đak.

Ƀar păh sơkơ̆t hơdăh atŏk kơtang jang hơdoi kơjăp tơ̆ rim ‘măng hop akŏm nghị viện lơ pang anai nhen Jơnŭm atŭm nghị viện apŭng plĕnh teh (IPU), Hop akŏm nghị viện châu Á-Thái Bình Dương (APPF), adoi drơ̆ng nơ̆r tơgŭm djru trong bơ̆ jang kơdĭh băl găh rim tơdrong lơ̆m tơring păng lơ̆m apŭng plĕnh teh vang lăng trŭh.