VOV4.Bahnar -  Ƀlep lơ̆m khei ‘năr Têt Trung thu, Kơdră chĕp pơgơ̆r Tĕh đak Nguyễn Xuân Phúc  pơtrŭh kơthơ ăn kôn mon kon sau ƀlep lơ̆m Têt Trung thu ƀĕnh ƀang tơdrong chơt hơ iă ‘nă hal atŭm hăm ŭnh hnam kơ dĭh, vang chă tơgŭm djru ăn dôm đe hơ iŏh mơmat tat lơ̆m erĭh sa ư̆h kơ đei chă pơgơ̆r Têt Trung thu trŏ ƀlep.

Kơdră chĕp pơgơ̆r Tĕh đak Nguyễn Xuân Phúc pôk tơmam drăm ăn đe hơ iŏh

Kơdră chĕp pơgơ̆r Tĕh đak tơbăt jơhngơ̆m đon ‘mĕh vă, đe hơdrŭh tơdăm păh kơchoong, đe hơ iŏh lơ̆m tĕh đak đei jơhngơ̆m đon ‘lơ̆ng hơ iă, hơdrin yak hlŏh tơnap tao, hơdrin lơ̆m hŏk pơhrăm păng lơ̆m erĭh sa jei lei lăi. Adoi athei rim ŭnh hnam, rim khŭl jang păng lơ̆m tơpôl, jơhngơ̆m đon ‘mêm kơ eng kăl hơnơ̆ng đei lơ tơdrong jang ‘lơ̆ng hơ iă hlŏh dơ̆ng, vei lăng năng tông ăn rim đe hơ iŏh lơ̆m năr Têt Trung thu, mă kăl hăm đe hơ iŏh mơti mơtĕk, rim đe sau mơmat tat, rim đe sau tơring atăih yăih, tơring sơlam tĕh đak, tơring achon dơsĭ vă đĭ đăng đe hơ iŏh jei đei lăng ba ‘lơ̆ng hơ iă, erĭh sa lơ̆m jơhngơ̆m đon ‘mêm kơ eng, sơđơ̆ng ‘lơ̆ng rŏ.

Tơblơ̆ nơ̆r: Amazưt