VOV4.Bahnar - Năr 6/10, Kơdră chĕp pơgơ̆r Tĕh đak Nguyễn Xuân Phúc pơtrŭh Kơthơ hôn bơnê kơ rim ‘nhong Vi Văn Truyền, Lê Minh Hương păng lơ kon pơlei nuih mơng dŏng tơgŭm dôm bơngai tơhlăk tŏk bŏk đak jrŏh kơtang tơ̆ pơlei Hòa Sơn, tơring Tà Cạ, apŭng Kỳ Sơn, dêh char Nghệ An.

Kơdră chĕp pơgơ̆r Tĕh đak Nguyễn Xuân Phúc

Kơdră chĕp pơgơ̆r tĕh đak hôn bơnê tơdrong jang đơ̆ng rim đe ‘nhŏng păng pơma hơdăh, rim đe ‘nŏh jing dôm bơngai ‘lơ̆ng găh jơhngơ̆m đon bơ̆ jang tơnăp, tơgăl vă pôk bơnê păng lang să lơ̆m pơlei pơla. Kơdră chĕp pơgơ̆r Tĕh đak Nguyễn Xuân Phúc jei hlôi pơma tơbăt jơhngơ̆m đon vang ơ̆h sơ ‘ngon hăm tơdrong hiong răm kơ kon pơlei đơ̆ng kial hơbŭt đang hơbông pơrăm au ki; hôn bơnê păng ‘mĕh vă rim kơdră đảng, kơdră chĕp pơgơ̆r kơ rim tơring hơnơ̆ng hơdrin hlŏh dơ̆ng yak hlŏh tơnap tap, hơmet pơ ‘lơ̆ng đơ̆ng ‘mi kial hơbut hơbông pơrăm, sơđơ̆ng akau jăn păng jơhngơ̆m jăn kon pơlei.

VOV/Amazưt tơblơ̆ nơ̆r