Iung pơma tơ̆ jơ sơng, Kơdră chĕp pơgơ̆r Tĕh đak sơkơ̆t hơdăh, Đảng, Tĕh đak păng kon pơlei Việt Nam ling lang yom kiơ̆ kơtang, ƀlŏk hơdơ̆r tơdrong tơgŭm djru, tơgoăt tơgoăl kơtang păng tơgŭm djru gĭt kăl đơ̆ng rim khŭl bơ̆ jang hơtŏ hơnơ̆ng, gơ̆h hơgei apŭng plĕnh tĕh lơ̆m au đei Jơnŭm vei lăng rơngei hiôk hian apŭng plĕnh tĕh păng rim tĕh đak lơ̆m khŭl lơ̆m tơdrong Việt Nam iung tơjră iŏk đei pơm tơm kơdĭh sơ̆, adoi nhen lơ̆m tơdrong jang tơ iung pơjing păng vei lăng tĕh đak hrei au.

Pơma dơ̆ng trong tơlĕch jang vă jing mĭnh tĕh đak tŏk bŏk atŏk tơ iung đei kmăi kmok gơ̆h hơgei, jang sa iŏk đei lơ lơ̆m sơnăm 2030 păng đei jing tĕh đak pơdrŏng, jang sa iŏk đei lơ hlŏh lơ̆m sơnăm 2045, Kơdră chĕp pơgơ̆r Tĕh đak Nguyễn Xuân Phúc tơbăt, vă jang keh đang trong tơlĕch jang, Đảng, tĕh đak păng kon pơlei Việt Nam akŏm iung jang kơtang hlŏh dơ̆ng đơ̆ng kơdĭh kơ hơdrĕch hơdrung, jing trong kăl hlŏh atŭm hăm iung jang vang mơ̆t hơdoi apŭng plĕnh tĕh ‘nŏh jĭ tôch gĭt kăl, vei kơ jăp đei rơngei hiôk hian, sơđơ̆ng ăn atŏk tơ iung tĕh đak pơdrŏng, hơnŭk hơnoa ăn kon pơlei.