Ƀlep lơ̆m năr tơbăt 40 sơnăm Năr Ƀok thây kô Việt Nam, kơsơ̆ năr 15/11, tơ̆ Hơnĭh bơ̆ jang Kơdră chĕp pơgơ̆r Tĕh đak, ƀok Nguyễn Xuân Phúc, Kơdră chĕp pơgơ̆r Tĕh đak hlôi tơƀơ̆p mŭh măt, hmach chơt hơ iă khŭl 30 ‘nu bơngai tang măt rim ƀok thây kô so, rim bơngai tang măt ăn Khŭl Ƀok thây kô so Việt Nam.

Tang măt Đảng, Tĕh đak tơƀơ̆p mŭh măt rim ƀok thây kô hlôi pơdơ̆h pơtho akŏm lơ̆m Khŭl Ƀok thây kô so Việt Nam, Kơdră chĕp pơgơ̆r Tĕh đak pơma tơbăt jơhngơ̆m đon hôn bơnê rim Ƀok thây kô pơtho kơ yuơ hlôi tơgop đunh đai tai sơnăm, iŏk đei jơnei hơ iă ăn tơdrong jang pơtho pơhrăm kơ tĕh đak, plang ăn tơdrong jang pơjing bơngai, kơ yuơ mĭnh chăl sơnăm ‘lơ̆ng rŏ hơbŏ nhen ăn hơdrĕch hơdrung. Dôm tơdrong tơgŭm tơgop, dôm tơdrong tơchăr khoa hŏk pơtho pơhrăm đei drơ̆ng kiơ̆, jang kiơ̆ dăh mă ư̆h jei ‘moi kiơ̆ rim bơngai vei lăng pơtho pơhrăm đơ̆ng kơpal trŭh tơ̆ hơla, Kơdră chĕp pơgơ̆r Tĕh đak Nguyễn Xuân Phúc akhan, tơdrong kăl hưch hanh hơmanh bơnê ‘nŏh lơ̆m dôm jĭt sơnăm au ki, tĕh đak bơ̆n hlôi đei mĭnh khŭl ƀok thây kô bơ̆ jang vei lăng pơtho pơhrăm tơnăp, tơchăr hơgei.