VOV4. Bahnar - Hơnơ̆ng iung bơ̆ jang tơ̆ rim dêh char găh Pơbăh, pơgê năr 19/1, tơ̆ dêh char Tiền Giang, Kơdră chĕp pơgơ̆r Teh đak Nguyễn Xuân Phúc vang năm pơm lêh ăn rok trong rĕnh Trung Lương - Mỹ Thuận , tơgŭm chă yak hiôk hian lơ̆m khei năr Têt Nguyên đán Nhâm Dần 2022. Trong glung rĕnh Trung Lương - Mỹ Thuận tôch git kăl lơ̆m tơdrong tĕch mơdro tơman drăm ƀar păh tơring Tơmăn đak kroong Cửu Long hăm pơlei tơm Hồ Chí Minh păng rim tơring jang mŭk drăm kăl găh Pơbăh. Iung pơma tơ̆ pơm lêh, Kơdră chĕp pơgơ̆r Tĕh đak Nguyễn Xuân Phúc pơma hơdăh, trong nơnăm jing tơdrong kăl hlŏh hăm tơring Tơmăn đak kroong Cửu Long păng tơdrong pơm keh đang hiơ hiơ̆ lơ sơnăm pơm ăn kon pơlei tôch tơtok. Kơ yuơ lơ loh Khŭl kơdră tĕh đak hlôi đei trong jang tơchơ̆t kăl kơtang vă xek tơlang tơdrong tơnap tap găh kon jên jang, iung jang ming man, bơngai tơmơ̆t jên jang ... Kơdră chĕp pơgơ̆r Tĕh đak jei hôn bơnê kơ Grŭp jang Đèo Cả hlôi pơrô̆ jang kơtang, ming man prăt măng prăt năr trŭh hloi khei ‘năr jĭ hơbŭh vă ăn gre kơdau hiôk hian.

Tơblơ̆ nơ̆r: Amazưt