VOV4.Bahnar - Tơ̆ pơlei tơm Việt Trì, Dơnŏ anĭh vei lăng kon pơlei dêh char Phú Thọ hlôi pơgơ̆r Pơm lêh iung jang ming man Hnam jŏh ayŏ kơdŏ soang dêh char Phú Thọ. Kơdră chĕp pơgơ̆r Tĕh đak Nguyễn Xuân Phúc vang năm pơm lêh iung jang ming man.

Kơdră tĕh đak vang pơm lêh iung jang ming man

Tơdrong jang ming man Hnam Jŏh ayŏ kơdŏ soang dêh char Phú Thọ đei pơjing tơ̆ Cham să Hùng Vương vă pơjing tơdrong kăl kơ hơnĭh păng cham char hơnĭh kơdrơ̆m pơlei tơm Việt Trì. Kon jên ming man au vă jê̆ 400 ti hlak jên, đei 1.000 tang do tơ oei ‘nŏh đei 3 tăl kơ jung, 1 tăl tơ̆ hơla păng 1 tăl tơ̆ pơbŭng, tĕh ming man să trŭh 5.000 met vuông. Tơchĕng hơlau ming man keh đang lơ̆m sơnăm 2023. Lăp đơ̆ng rŏng keh, hnam jŏh ayŏ kơdŏ soang dêh char gô jing hơnih pơgơ̆r tơdrong jŏh ayŏ kơdŏ soang păng hơnĭh hop akŏm chĭnh trĭ, mŭk drăm, jŏh ayŏ-tơpôl kơ kon pơlei tơgŭm ăn tơdrong chă lăng jŏh ayŏ kơ kon pơlei păng tơmoi.

Tơblơ̆ nơ̆r: Amazưt