Kơdră chĕp pơgơ̆r Teh đak hôn bơnê kơ Khul mơdro sa păng Kmăi kmŏk pơm tơlĕch tơmam drăm Việt Nam hlôi jang keh đang rim tơdrong jang mă Đảng, Teh đak pơjao ăn lơ̆m 60 sơnăm au ki, pơtrŭt kơtang tơpôl hơnih mơdro sa păng bơngai mơdro Việt Nam atŏk kơtang.

Đơ̆ng rŏng 40 sơnăm Tơplih ‘nao, khul bơngai mơdro, hơnih mơdro sa teh đak bơ̆n hlôi atŏk tơ iung kơtang hăm vă jê̆ 1 triu hơnih mơdro, hloh 5 triu ŭnh hnam mơdro sa, vă jê̆ 30.000 hơp tak xah. Atŭm hăm ‘noh, vă jê̆ 30.000 hơnih mơdro sa đei kon jên teh đak đe tơmơ̆t jang tơ̆ Việt Nam, tơgop gĭt kăl lơ̆m atŏk kơtang pơm tơlĕch, tĕch mơdro tơ̆ teh đak đe, tơplih ‘nao choh jang sa păng atŏk mŭk drăm Việt Nam. Kơdră chĕp pơgơ̆r Teh đak sơkơ̆t hơdăh, Đảng, Teh đak ling lang lăng ba, tơgŭm djru, pơjing rơvơn ăn tơdrong atŏk tơ iung kơtang kơ khul mơdro, hơnih mơdro Việt Nam. Tơ̆ pơgơ̆r au,  Khul mơdro sa păng Kmăi kmŏk pơm tơlĕch tơmam drăm Việt Nam tơlĕch muh măt Khul chĕp pơgơ̆r Hơnih mơdro sa tơm dơnơm Việt Nam đei 21 ‘nu bơngai mă blŭng ‘nŏh tang măt ăn rim hơnih mơdro sa tơm dơnơm Việt Nam