Lơ̆m pơkăp Hop akŏm rim ngĭ viê̆n dôm teh đak Đông Nam Á 'măng mă 43, hăm tơdrong bơ̆ng pang đơ̆ng dôm bơngai tang măt năm truh Hop akŏm, Kơdră Kuôk hô̆i Vương Đình Huệ, Kơdră Kuôk hô̆i Campuchia Samdech Heng Samrin păng Kơdră Kuôk hô̆i Lào Saysomphone Phomvihane hlôi kĭ Tơchơ̆t atŭm đơ̆ng dôm Kơdră Kuôk hô̆i Campuchia, Lào, Việt Nam, 'măng mă blŭng tơ iung pơtơm Hop akŏm kơpal Kuôk hô̆i 3 teh đak Campuchia, Lào, Việt Nam.

Tơdrong iung pơtơm Hop akŏm kơpal Kuôk hô̆i teh đak Campuchia – Lào – Việt Nam trŏ hăm xơkơ̆t đơ̆ng lơ hnưr Kơdră Kuôk hô̆i 3 teh đak.  Kiơ̆ kơ noh, “Hop akŏm kơpal Kuôk hô̆i 3 teh đak Campuchia - Lào - Việt Nam đei pơgơ̆r 2 xơnăm minh 'măng kơyuơ 3 Kơdră Kuôk hô̆i pơgơ̆r pơlơh băl kiơ̆ pơkăp chư chih nơ̆r pơre; atŭm hăm noh hơlen Tơchơ̆t Hla bar đơ̆ng Hop akŏm kơpal Kuôk hô̆i Campuchia - Lào - Việt Nam. Tơdrong pơkăp Hop akŏm kơpal Kuôk hô̆ Campuchia - Lào - Việt Nam trŏ hăm xơkơ̆t đơ̆ng lơ hnưr Kơdră Kuôk hô̆i 3 teh đak.