Lơ̆m 'măng năm tơmang, Kơdră Kuôk hô̆i Hàn Quốc Kim Jin-pyo păng rim bơngai lơ̆m Khul hlôi 'măn kơvang pơkao, mơ̆t pơjôk pơxat Ƀok Kơdră Hồ Chí Minh; truh hmach kơ ƀok Tổng Bí thư Nguyễn Phú Trọng; pơma đam hăm Thủ tướng teh đak bơ̆n Phạm Minh Chính; pơma đam hăm Kơdră Kuôk hô̆i Vương Đình Huệ.

Tơ̆ dôm 'măng pơma đam, rim kơdră kơpal kơ teh đak Việt Nam bơnê kơ Ƀok Kơdră Kuôk hô̆i Hàn Quốc năm tơmang Việt Nam lơ̆m khei năr 2 teh đak 'nao hơtŏk tơbôl jang teh đak vang jang hadoi tôm tơdrong păng tơbăt 30 xơnăm iung tơbôl Việt Nam-Hàn Quốc.