Đơ̆ng rŏng kơ mơ̆ng dôm nơ̆r pơma đam, Kơdră Kuô̆k hô̆i Trần Thanh Mẫn akhan, 6 khei blŭng sơnăm, Đảng ƀô̆ Kuô̆k hô̆i hlôi pơtoi tơbang hơdah sơnong jang tơm lơ̆m tơlĕch tơchơ̆t đơ̆ng Đảng, mă kăl noh tơchơ̆t đơ̆ng Hơnih tơm Chinh trĭ, Ƀan Ƀĭ thư; hơtŏk tơdrong 'lơ̆ng gah chih akŏm khôi luơ̆t, hơlen kơjăp dôm tơchơ̆t kăp gĭt kơ teh đak.

Tơroi hơdah dôm tơdrong oei tơhlăk lơ̆m tơdrong jang pơgơ̆r lơ̆m khei năr ou ki, Kơdră Kuô̆k hô̆i pơgơ̆r, lơ̆m 6 khei hơtuch sơnăm, rim hơnih jang kơ Kuô̆k hô̆i kăl akŏm lơ̆m tơdrong jang chih tơchơ̆t trong tơlĕch jang đơ̆ng Đảng, hơdah noh Tơchơ̆t đơ̆ng Hop akŏm Trung ương 3. Hăm 2 Tơchơ̆t jang hơdoi  pơtruh ăn Ƀan Ƀĭ thư, kăl hơlen, keh đang vă pơgơ̆r jang tơnăp, hơtŏk 'lơ̆ng tơchơ̆t jang păng sek tơlang tơtom dôm tơdrong đei lơ̆m pơm jang. Hop akŏm adoi drơ̆ng nơ̆r hơlen gah pơkăp Tơchơ̆t pơm jang đơ̆ng Ƀan châ̆p hanh Đảng ƀô̆ Kuô̆k hô̆i jăl jang 2025-2030.