Tơ̆ 'măng hop akŏm mă mônh, Kơdră Kuôk hô̆i Vương Đình Huệ hlôi pơtruh 5 tơdrong kăp gĭt, noh jing ră hơdăh tơdrong kăl vă hơmet pơ 'lơ̆ng tơguăt tơguăl păng xơnong jang dơnơm kơ ASEAN lơ̆m tơdrong vei xơđơ̆ng tơpôl păng xơđơ̆ng lơ̆m tơring jing tơdrong kăl hloh.

Kơdră Kuôk hô̆i hơpơi 'moih, rim Kuôk hô̆i dăh mă Ngĭ viê̆n kăl kơ 'nôh, kơchăng tơrĕk hơtŏk tơdrong hơtŏ hơnơ̆ng drŏnglo drăkăn, hơtŏk xơnong dơnơm ăn đe drăkăn, tơlĕch jang đei jơnei dôm tơdrong pơkăp jang găh luơ̆t hơtŏ hơnơ̆ng drŏnglo drăkăn, hơtŏk nơ̆r pơma păng tơdrong vang jang đơ̆ng đe drăkăn, hơdruh tơdăm lơ̆m dôm anih jang chiha kŏm pơkăp khôi luơ̆t.