Kơdră Kuôk hô̆i ră hơdah, jang hơdoi ngĭ viê̆n ưh hơdrô̆ jing tơdrong tơroi gah hlôh vao lơ̆m chih akŏm khôi luơ̆t dah mă hơlen dôm tơđrong tơchơ̆t. Noh oei jing pơkăp pơm ăn nơ̆r pơma jing tơdrong pơm jang, pơm ăn đon tơchĕng jing tơpă păng pơm ăn tơdrong hơpơi 'meh jing đei ăn kơ tih kon pơlei lơ̆m apŭng plenh teh. Kơyuơ noh, rim bơngai tang măt ăn nơ̆r pơma, tơdrong hơpơi 'meh đơ̆ng kon pơlei athei vei sơđơ̆ng: rim tơchơ̆t jang, khôi luơ̆t teh đak đei chih akŏm gơnơm lơ̆m kơjă kăp gĭt dơnơm: rơngei, khôi luơ̆t păng hơtŏ hơnơ̆ng.

Vă đei jơnei dôm tơchơ̆t tơlĕch, Kơdră Kuôk hô̆i tơbang 4 tơchơ̆t ăn tơdrong jang hơdoi ngĭ viê̆n lơ̆m khei năr truh. Ƀok hơvơn tôm anih jang ngĭ viê̆n lơ̆m apŭng plenh teh chă đei tơdrong le lăi băl, găn hloh dôm tơdrong phara băl, atŭm jơhngơ̆m pơjing khei năr hơnô̆ hơnăp kơnh ăn rim kon pơlei gơh đei hơrih lơ̆m tơdrong rơngei, jơnap 'lơ̆ng, pơdrŏng.