Pơm jang hăm Hơnih jang Joh ayŏ păng Tơpôl kơ Kuô̆k hô̆i, Kơdră Kuô̆k hô̆i Trần Thanh Mẫn bơnê kơ tơdrong chih akŏm khôi luơ̆t, lơ̆m tôm jăl jang, Hơnih jang hlôi pơgơ̆r hơlen 20 tơdrong chih luơ̆t, 6 tơdrong Tơchơ̆t kơ Kuô̆k hô̆i, 1 tơdrong Tơchơ̆t luơ̆t păng 6 tơdrong Tơchơ̆t kơ Hơnih juăt jang Kuô̆k hô̆i. Ră hơdah atŭm hăm hơtŏk mŭk drăm, athei tơrĕk kăp gĭt truh dôm tơdrong tơpôl păng joh ayŏ, kiơ̆ Kơdră Kuô̆k hô̆i, ou jĭ tơdrong jang đei tơrĕk truh tơdrong hơrih kon pơlei.

Tơchơ̆t kơ Đảng bơ̆n noh tơrĕk pơđĭ tơdrong hơrih mŭk drăm păng tơdrong hơrih đon bơnôh ăn kon pơlei. Joh ayŏ jĭ tơdrong tơm vă rim kon pơlei hơrih grăng pran, sô̆ chơt păng tơnăp hloh. Kiơ̆ Kơdră Kuô̆k hô̆i, tơdrong joh ayŏ, tơpôl dang ei kơ t/đ đei lơ tơdrong 'lơ̆ng, mă lei adoi oei đei dôm tơdrong ưh kơ 'lơ̆ng athei đei trong jang drơ̆ng minh. Kơyuơ noh, Hơnih jang athei hơlen lăng păng kơchăng pơtruh nơ̆r tơtenh hăm Đảng, Teh đak.