Kơdră Kuô̆k hô̆i bơnê kơ tơdrong jang tơbôl đơ̆ng hơnih jang gah luơ̆t kơ 2 teh đak lơ̆m tơroi tơdrong hlôh vao lơ̆m pơm jang, vei lăng tơdrong trŏ, sơnong 'lơ̆ng kơ kon pơlei, tơlĕch tang găn păng tơjră tơdrong pơm glăi. Ƀar pah adoi pơma đam gah tơdrong hlôh vao lơ̆m thu iŏk mŭk drăm yuơ đơ̆ng pơm glăi mă đei, chih akŏm dôm tơdrong pơkăp jang hơdoi 2 pah kiơ̆ rim jăl jang.

Kơdră Kuô̆k hô̆i pơtruh nơ̆r hơtŏk hloh tơdrong asong khŭl kơpal năm hơpeh hơpong dih băl, pơtoi dôm tơdrong jang hơdoi, jang kơjăp lơ̆m ASEAN păng pơtoi tơgŭm chih akŏm Hla bar Tơchơ̆t oei xa 'lơ̆ng tơ̆ Biển Đông (COC) mă tơpă, đei jơnei, trŏ ƀlep hăm UNCLOS 1982.