Kơdră Kuôk hô̆i Vương Đìng Huệ pơma hơdăh ‘măng năm ngôi, bơ̆ jang ‘măng âu đơ̆ng khŭl ‘noh jĭ vă tơgop pơ trŭt păng pơm ‘lơ̆ng hloh dơ̆ng tơdrong pơvei jang hơdai Việt Nam - New Zealand. Tơ̆ pơma đam, 2 păh drơ̆ng nơ̆r găh tơdrong kăl kơ hơtŏk loi dơ̆ng jang hơdai mŭk drăm - mơdro sa - tơmơ̆t jên jang, hơnhăk tơdrong jang âu jing tơdrong ‘lơ̆ng hơtŏk tơiung đơ̆ng tơdrong pơvei 2 teh đak.

2 kơdră Kuôk hô̆i lăng ‘lơ̆ng tơdrong pơvei jang hơdai đơ̆ng anih jang pơjing khôi luơ̆t 2 teh đak, pơma hơdăh hơnăp jang gĭt kăl, tơpă đơ̆ng jang hơdai nghị viện lơ̆m tơdrong hơtŏk loi dơ̆ng tơdrong pơvei đơ̆ng dôm teh đak. 2 păh drơ̆ng nơ̆r tơchĕng hơlen pơjing 1 tơdrong drơ̆ng nơ̆r jang hơdai đơ̆ng 2 Kuôk hô̆i vă pơm tơdrong trŏ khôi luơ̆t vă 2 păh pơtrŭt păng pơm ‘lơ̆ng hloh dơ̆ng tơdrong pơvei jang hơdai tơ̆ hơnăp kơnh.