Kơdră Kuôk hô̆i Vương Đình Huệ xơkơ̆t, lơ̆m jê̆ tong anê̆ anglŏ xơnăm kơ âu, tơdrong jang hadoi pơtho pơhrăm hơnơ̆ng jing tơdrong tơm păng jing anih hơdăh hloh lơ̆m tơbôl jang hadoi kơ 2 teh đak. Dang ei đei pơhlom 30 rơbâu sinh viên Việt Nam tŏk bŏk oei hŏk pơhrăm, hơlen băt vao tơ̆ Australia.

Kơdră Kuôk hô̆i lui ngeh, hop akŏm gô pơih minh jăl 'nao ăn tơdrong jang hadoi pơtho pơhrăm đơ̆ng 2 păh gơh kơjăp xơđơ̆ng, đunh đai tai xơnăm, tơgop hơtŏk tơbôl jang hadoi kăp gĭt đơ̆ng Việt Nam păng Australia. Tơ̆ hop akŏm, Kơdră Kuôk hô̆i Vương Đình Huệ, Kơdră jang tang măt ăn teh đak Australia tơ̆ Việt Nam Andrew John Lech Goledzinowski hlôi bơ̆ng pang dôm hnam trưng Đăi hŏk Việt Nam păng Australia pơma đam 12 tơdrong tơchơ̆t, hla bar tơbăt găh pơtruh đe sinh viên, bơngai pơtho păng jang hadoi hơlen, tơguăt pơtho lơ̆m dôm tơdrong kăl nhen: trong nơnăm, choh jang xa, koh thuơ̆t.