Drơ̆ng nơ̆r krao hơvơn đơ̆ng Kơdră Kuôk hô̆i teh đak Campuchia, Kơdră Jơnŭm lơ Nghị viện dôm teh đak Đông Nam Á (AIPA) Samdech Heng Samrin, pơgê hei (19/11), Kơdră Kuôk hô̆i Vương Đình Huệ chĕp kơ̆l Khŭl tang măt gĭt kăl Kuôk hô̆i Việt Nam hlôi pơtơm năm ngôi tơ̆ teh đak Campuchia păng vang truh Hop akŏm jơ nŭm lơ Nghị viện dôm teh đak ASEAN ‘măng mă 43 (AIPA-43) đơ̆ng ‘năr 19/11 - 22/11.

‘Măng năm ngôi, bơ̆jang tơ̆ teh đak Campuchia đơ̆ng Kơdră Kuôk hô̆i Vương Đình Huệ păng Khŭl tang măt gĭt kăl Kuôk hô̆i teh đak bơ̆n vă pơtrŭt hơnhăk tơdrong pơvei “ teh đak tơjê̆ ‘lơ̆ng hơiă, tơbôl joăt joe, jang hơdai tôm tơdrong, kơjăp đunh đai” đơ̆ng 2 teh đak roi ‘năr roi ‘lơ̆ng hơ iă păng đei yua hloh. Pơma dơnuh găh trong jang hơdai đơ̆ng anih jang pơjing khôi luơ̆t 2 teh đak tơ̆ hơnăp kơnh pơđĭ hloi lơ̆m tơdrong 2 pang păng lơ pang; pơma dơnuh tơgop nơ̆r găh tơdrong apŭng plĕnh teh păng tơring mă 2 păh vang bơngơ̆t truh.