Kuôk hô̆i Vương Đình Huệ hlôi pơma đam hăm Kơdră Thượng viện Phalăng. ‘Măng năm ngôi, bơ̆ jang âu ‘noh jĭ tơdrong ‘lơ̆ng vă 2 păh pơm ‘lơ̆ng hloh dơ̆ng, tôm tơdrong păng đei iŏk yua hloh dơ̆ng, tơdrong pơvei đơ̆ng 2 teh đak. Tơ̆ jơ pơma đam, 2 kơdră chĕp kơ̆l vang akhan, lơ̆m khei ‘năr hrei ‘nâu, 2 păh gô hơtŏk loi dơ̆ng lơ̆m dôm tơdrong jang nhen hơtŏk tơiung kơjăp, ŭnh hơyuh, jang pơgang, dôm tơdrong tơchĕng hơlen, vang tơroi tơgŭm tơdrong hlôh vao lơ̆m tơdrong jang pơjing khôi luơ̆t.

Kơdră Kuôk hô̆i athei 2 păh pơtrŭt jang hơdai khŭl linh- sơđơ̆ng teh đak; tơlĕch jang đei yua dôm tơdrong drơ̆ng nơ̆r jang hơdai hlôi kĭ pơkăp; hơnơ̆ng pơtrŭt dôm tơdrong jang ‘nao nhen găh jang hơdai tơroi pơma dơnuh păng vei lăng tơdrong kơ tơ̆ng ang hrĕp, tơchĕng hơ len tơdrong jĭ nhiệt đới...

Lăp đơ̆ng rŏng kơ pơma đam, Kơdră Kuôk hô̆i Vương Đình Huệ păng Kơdră Thượng viện Gérard Larcher hlôi vang pơgơ̆r Lêh tơlĕch jang dôm tơdrong kăl tơbăt 50 sơnăm pơjing tơdrong pơvei jang tơbôl.