Tơ̆ jơ pơma dơnuh Kơdră Kuôk hô̆i pơma hơdăh, Việt Nam ling lang lăng kăl tơdrong pơvei tơbôl păng jang hơdai hăm Uruguay; lăng kăl tơdrong ‘mêm 1 jơhngơ̆m đon păng tơdrong tơgŭm đơ̆ng kon pơlei Uruguay ‘măn ăn kon pơlei Việt Nam lơ̆m khei ‘năr iung tơblăh iŏk rơngei hơdrĕch hơdrŭng păng rơngei teh đak hơdrol sơ̆, kŭm nhen lơ̆m tơdrong jang hơtŏk tơiung teh đak hrei ‘nâu.

2 Kơdră chĕp kơ̆l tơƀôh đon chhôk hơiă ƀơ̆t tơdrong pơvei Việt Nam- Uruguay hơnơ̆ng hơtŏk tơiung ‘lơ̆ng, dôm trong jang hơdai đei pơvei jơnei; 2 păh pơvei jang hơdai pơma dơnuh kơ jăp tơ̆ dôm hop akŏm apŭng plĕnh teh păng anih jang lơ pang gĭt kăl jơ̆p plĕnh teh, mă loi ‘noh jĭ tơ̆ Liên hợp quốc, Anih vei lăng mơdro sa apŭng plĕnh teh, Hop akŏm jang hơdai Đông Á- Mỹ Latinh, drơ̆ng nơ̆r vang vei lăng dôm tơdrong kăl păng kơjă kăp gĭt đơ̆ng tơdrong jang lơ pang lơ̆m khei ‘năr apŭng plĕnh teh hơnơ̆ng đei ƀôh krê hơmơt, ưh kơ ê păng tơdrong răm yua đơ̆ng ƀơm ưh kơ ‘lơ̆ng đơ̆ng jĭ Covid-19.