Tơ̆ ‘măng pơma dơnuh, Kơdră teh đak Vương Đình Huệ athei Samdech Techo Hun Sen kiơ̆ lơ̆m kơchư̆k jang tih Kơdră chĕp kơ̆l Đảng Kon pơlei Campuchia, Thủ tướng teh đak Campuchia hơnơ̆ng bơngơ̆t truh, athei pơtrŭt tơdrong pơvei tơbôl păng jang hơdai tôm tơdrong đơ̆ng 2 teh đak, lơ̆m noh đei jang hơdai vei lăng sơđơ̆ng teh đak, tơring sơlam, mơ dro sa, tơmơ̆t jên jang, choh jang sa, pơtho pơhrăm, tơmang lăng, tơƀơ̆p pơma dơnuh đơ̆ng kon pơlei, jang hơdai đơ̆ng rim tơring, pơm tơdrong hiôk vă tơpôl bơngai Việt sơđơ̆ng tơdrong arih sa, tơgop ‘lơ̆ng ăn tơdrong hơtŏk tơiung, hơnŭk hơnoa kơ teh đak Campuchia păng tơdrong pơvei 2 teh đak.