Kơdră Kuô̆k hô̆i Vương Đình Huệ hơiă hăm Bơngai tang măt tĕh đak Campuchia Chay Navuth hlôi jang đang ‘lơ̆ng jăl jang tơ̆ Việt Nam; tơchĕng ‘lơ̆ng dôm tơdrong tơgop đơ̆ng Bơngai tang măt pơma hơdrô̆ păng Anih tang măt ăn Campuchia tơ̆ Việt Nam pơma atŭm, lơ̆m tơdrong hơtŏk tơdrong vei ‘lơ̆ng hơiă đơ̆ng 2 tĕh đak jê̆ băl, vei kơjăp tơdrong tơbôl, jang hơdoi đunh đai tôm tơdrong đơ̆ng 2 tĕh đak kiơ̆ trong jang đơ̆ng Đảng, Tĕh đak, Khul kơdră tĕh đak, Nghị viện păng jang tơbôl kon pơlei.

Kơdră Kuô̆k hô̆i pơma hơdăh, Kuô̆k hô̆i Việt Nam, kơdih kâu Kơdră Kuô̆k hô̆i Việt Nam vă jang đĭ jơhngâm vang pơm hơtŏk, hơmet kơjăp tơdrong pơvei jang tơbôl păng jang hơdoi tôm tơdrong đơ̆ng 2 Đảng, 2 tĕh đak; tơƀôh đon hơmĕng, mă jang tơdrong jang kiơ, bơngai tang măt oei hơnơ̆ng ‘măn jơhngâm đon ‘lơ̆ng, jang tơnăp vă tưk tơiung hlŏh dơ̆ng tơdrong pơvei ‘lơ̆ng hơiă đơ̆ng 2 Đảng, 2 tĕh đak, kon pơlei 2 tĕh đak.