Tơ̆ jơ tơƀơ̆p, Kơdră Kuôk hô̆i akhan, tơdrong pơvei tơbôl joăt joe đơ̆ng Việt Nam păng Nepal ‘noh jĭ tơdrong jang gĭt kăl vă 2 teh đak pơih să jing rim tơdrong jang hơdai nai, lơ̆m noh đei tơdrong hơtŏk loi dơ̆ng jang hơdai lơ̆m đĭ đăng dôm tơdrong jang Đảng, Khŭl kơdră teh đak, jang tơbôl Nghị viện, jang tơbôl kon pơlei.

2 kơdră chĕp kơ̆l ‘meh vă tơ̆ hơnăp kơnh 2 teh đak gô tŭn pran jang hơdai lơ̆m lơ tơdrong jang oei đei lơ tơmam ‘lơ̆ng. 2 Kơdră chĕp kơ̆l kŭm drơ̆ng nơ̆r pơtrŭt hloh dơ̆ng jang hơdai nghị viện 2 pang, pơma dơnuh, tơroi tơbăt găh tơdrong jang nghị viện đơ̆ng 2 teh đak. Ƀlep ƀơ̆t ‘măng âu, Kơdră Kuôk hô̆i hơvơn Kơdră Kuôk hô̆i Nepal jăh năm ngôi tơ̆ Việt Nam.