Sơkơ̆t hơdah châu Âu jĭ tơring jang kăp gĭt kơ Việt Nam, Kơdră Kuôk hô̆i hơpơi ‘meh rim Kơdră jang tang măt păng đe kăn ƀô̆, bơngai jang tơ̆ dôm Anih jang tang măt tơ̆ dôm teh đak pơtoi băt hơdah Tơchơ̆t Hop akŏm 13 kơ Đảng păng tơdrong Hop akŏm jang tơbôl jâ̆p teh đak păng dôm hla bar kăp gĭt nai tơrĕk truh jang tơbôl.

Gah jang chĭnh trĭ tơbôl, kăl chĕp vei tơdrong tơbôl juăt jue ‘lơ̆ng rŏ vă hơtŏk đon lui kiơ̆ asong khul kơpal năm tơmang, pơma dơnuh hăm dih băl. Ƀok Kơdră Kuôk hô̆i pơkăl rim Kơdră jang tang măt tơrĕk kăp gĭt truh tơdrong jang tơbôl gah mŭk drăm, hơtŏk tơdrong mă dôm teh đak dah hrôih kĭ Tơchơ̆t Vei vêr asong jang Việt Nam - EU vă pơm trong hiôk ăn dôm tơdrong asong jang pơyua ăn pơđĭ 2 pah.