Pơma tơ̆ hop akŏm, Kơdră Kuô̆k hô̆i Vương Đình Huệ pơma hơ dăh, tơdrong đei măt đơ̆ng lơ bơngai dơ̆ng tang ăn dôm anih jang kơpal, anih tĕch mơdro kơ 2 tĕh đak, mă loi jĭ Kơdră Thượng viện ‘nŏh jĭ tơdrong pơlung jơhngâm, tơ iung đon hưch hanh mưh iung jang xa, jĭ jơhngâm đon ‘nă hal vă tơmât jên jang, ưh lăp hơdrô̆ dôm bơngai tơmât jên jang, bơngai tĕch mơdro vang hop akŏm đĕch mă oei đei hloi đĭ đăng khul tĕch mơdro, tơmât jên jang đơ̆ng 2 tĕh đak hai.

Kơdră Kuô̆k hô̆i hơpơi ‘mĕh, dôm anih tĕch mơdro pơma nuh, pơma tơƀôh rim tơdrong đei tơrĕk truh tơ̆ anih tơmât jên jang, tĕch mơdro tơ̆ Việt Nam vă dôm anih jang tơm, anih jang kơpal kơ Việt Nam tơl tơblang; hơmĕng tơguăt ăn rim anih tĕch mơdro vă đei trong chă hơlen năng, đei lơ trong jang xa hơdai, pơm ăn tơdrong pơvei lui băl găh chinh trĭ, jang tơbôl đơ̆ng 2 tĕh đak jing jơhngâm pran ăn tơdrong jang tŏk mŭk drăm păng tơgăl hăm tơdrong pơvei jang hơdoi gĭt kăl đơ̆ng 2 tĕh đak.