Năr  21/10, Kơdră Kuôk hô̆i Vương Đình Huệ xơng Kơdră Anih jang Tơbôl Kuôk hô̆i Lào Sanya Praseuth, Kơdră Anih jang Tơbôl, jang hadoi apŭng plenh teh, tơroi tơbăt Kuôk hô̆i teh đak Campuchia Sous Yara, ƀơ̆t năm Hop akŏm pơm jang 3 Anih jang Tơbôl kơ Kuôk hô̆i 3 teh đak Campuchia - Lào - Việt Nam.

Kơdră Kuôk hô̆i xơng Kơdră Anih jang Tơbôl Kuôk hô̆i Lào, Campuchia

Tơ̆ jơ xơng, Kơdră Anih jang Tơbôl Vũ Hải Hà tơroi hăm Kơdră Kuôk hô̆i Vương Đình Huệ găh tơdrong hop akŏm kơpal kơ 3 Anih jang Tơbôl kơ Kuôk hô̆i 3 teh đak. Kiơ̆ kơ noh, 3 Anih jang Tơbôl hlôi atŭm băl pơma đam, drơ̆ng nơ̆r pơtruh nơ̆r Khul Kơpal Kuôk hô̆i 3 teh đak chih akŏm trong jang xơkơ̆t tơjrâ̆m kơpal kơ Kuôk hô̆i 3 teh đak. Kơdră Kuôk hô̆i Vương Đình Huệ akhan, dôm tơdrong mă 3 teh đak hlôi pơkăp păng iŏk đei drơ̆ng nơ̆r lơ̆m hơtŏk tơbôl kơ 3 teh đak, ưh adrô̆ tơgŭm ăn tơbôl 2 păh kơ rim teh đak 'lơ̆ng rŏ hloh mă oei hơtŏk hloh jang hadoi ngĭ viê̆n; mă kăl noh găh hơtŏk mŭk drăm – tơpôl.