Ƀok Trần Cẩm Tú, Bơngai jang lơ̆m Anih tơm Chĭnh trĭ, Chĕp kơ̆l pơgơ̆r Ban Bí thư, Bí thư Đảng ủy rim anih jang Đảng Trung ương pơgơ̆r Hop akŏm. Dôm bơngai tang măt pơma dơnuh roi tơbăt pơtôch tơdrong jang khei 8, hơnăp jang tơm khei 9; tơdrong pơjing phần mềm vei lăng tơdrong jang păng hơlen lăng kang ƀô̆ lơ̆m Đảng bộ. Hop akŏm kŭm ăn tơgop nơ̆r găh trong tơlĕch bơ̆jang kiơ̆ 5 tơdrong tơchơ̆t păng 1 hla ar athei kăl đơ̆ng Anih tơm Chĭnh trĭ; dôm trong jang hơtŏk ‘lơ̆ng hŏk hôp chi bộ kiơ̆ Hla ar athei kơsô̆ 50 đơ̆ng Ban Bí thư.

Lơ̆m khei 9, Đảng ủy dôm anih jang Đảng Trung ương akŏm hơmet ăn pơvih pơvăn Hop akŏm Trung ương 4 jăl 14; tŭn hrĕnh tơplih kơsô̆ lơ̆m Anih jang pơgơ̆r pơjing Đảng; pơm rơgoh, chih tơmơ̆t ‘lơ̆ng lơ̆m hơnih chih răk đảng viên, chih tơmơ̆t hô sơ lơ̆m kơmăy kơsô̆ păng tơlĕch jang 4 hla ar bơ̆jang kơ Đảng lơ̆m hơnih điện tử. Hơdai hăm, hơnơ̆ng iŏk yua Kơsâp hla ar chih đảng viên điện tử păng tơchĕng hơlen tơlĕch jang trong set hơpăh Mê đai Đảng lơ̆m phần mềm Chih răk đảng viên 4.0.