Pơma pơtôch, Kơdră Quốc hội pơma hơdăh rim tơdrong jang pơtho pơhrăm, pơgang, joh ayŏ, tơpôl yua đơ̆ng Anih jang vei lăng đei tơdrong ‘lơ̆ng gĭt kăl, đei Đảng păng Teh đak bơngơ̆t truh gĭt kăl. Kơdră Quốc hội tơbăt, athei chih hơmet ‘lơ̆ng tơdrong tơchơ̆t tŏk bŏk tơlĕch ăn tôch kơ kăl vă bơ̆jang kiơ̆ ‘lơ̆ng tơdrong hơgăt hơtŏk tơiung teh đak, lơ̆m noh lơ tơdrong jang găh tơdrong vei lăng đơ̆ng Anih jang kăl đei hăt hot dăr hơlen, chih tơmơ̆t dơ̆ng, chih hơmet ‘lơ̆ng.

Kơdră Quốc hội athei tơ̆ hơnăp kơnh, Anih jang akŏm tơchĕng hơlen, pơm kiơ̆ dôm hla ar kăl Hop akŏm XIV kơ Đảng păng Hop akŏm Đảng bộ Anih jang Joh ayŏ păng Tơpôl ‘măng mă mônh, sơnăm 2025-2030, tơgop hơtŏk ‘lơ̆ng đei yua tơdrong jang đơ̆ng Quốc hội.