Thủ tướng Nhật Bản I-si-ba chhôk hơiă Kơdră Quốc hội Trần Thanh Mẫn truh năm ngôi tơ̆ Nhật Bản; roi tơbăt tơtil tơ jê̆ âu lơ̆m dôm ‘măng Hop akŏm lơ pang hlôi đei jơ rơvơn pơma dơnuh hăm Kơdră teh đak Lương Cường păng Thủ tướng Phạm Minh Chính, akhan tơdrong pơvei 2 teh đak tôch kơ ‘lơ̆ng hơiă păng đei tơdrong tơklep kơjăp đơ̆ng Kơdră chĕp kơ̆l gĭt kăl 2 teh đak.

Kơdră Quốc hội Trần Thanh Mẫn athei Nhật Bản hơnơ̆ng tơgŭm Việt Nam lơ̆m tơdrong jang kơmăy kơmŏk ‘nao; pơtrŭt, pơih să jang hơdai tơmơ̆t jên jang lơ̆m anih jang kăl, ŭnh hơyuh rơgoh, ŭnh hơyuh pơm ming, choh jang sa ‘lơ̆ng, tơplih rơgoh, tơplih kơsô̆, anih chih răk, chíp bán dẫn… dôm tơdrong jang mă Nhật Bản đei lơ tơdrong pran; Nhật Bản tơgŭm Việt Nam vang jang tơdrong jang pơtruh kơchơ̆t bán dẫn jơ̆p plei teh. Tơ̆ jơ pơma dơnuh, 2 păh drơ̆ng nơ̆r hơtŏk loi dơ̆ng tơklep hơdai pơtho bơngai jang ‘moi kiơ̆ pơtrŭt jang hơdai bơngai jang, pơtho bơngai jang ‘lơ̆ng, tơƀơ̆p băl đơ̆ng kon pơlei.